Agjenti i SHISH, dyshohet se e vranë. Hetonte pronat e gjyqtarit Konomi

0
370

DURRËS- Mbushet plot mister ngjarja e djeshme në Durrës, ku u gjet i djegur në automjetin e tij Isa Çopa, oficer i Shërbimit Informativ Shtetëror.

Një ditë nga ngjarja e mistershme, vijojne të zbardhen të tjera detaje, të cilat hedhin dyshime mbi një vrasje të mundshme të oficerit të Shërbimit Informativ Shtetëror, (SHISH), Isa Çopa.
Burime nga grupi hetimor, i cili po merret me cështjen, deklarojnë se nga vazhdimi i ekzaminimit mjeko-ligjor ka rezultuar se 49-vjecari ka pasur fraktura në pjesën e kokës, të cilat dyshohet se janë shenja dhune nga mjete të forta, por jo nga arma e zjarrit.
Detajet u bënë të ditur pas takimit të Drejtori të Krimeve të Rënda, Tonin Vocaj me Prokurorinë. Në takim kanë marrë pjesë edhe ekspertë të laboratorit kriminalistik
Burime te TVNews24 bene te ditur se takimin me dyer te mbyllura u theksua fakti se gëzhoja e plumbit që u gjet në makinën e agjentit, i përket armës së tij, pistoletë makarov.

Ekspertët e kriminalistikës bënë me dije te pranishmit se mister mbetet dhe vendi ku është kryer krimi, pasi automjeti i djegur është dërguar më pas në vendin ku u u gjet nga Policia. Kriminalistika dyshon se automjetit i është vënë zjarri për të zhdukur gjurmët.

Ndërkaq, Instituti i Mjekësisë Ligjore është duke u marrë me ekzamiminin dhe ekspertizën e trupit të oficerit Çopa dhe një raport përfundimtar pritet të dalë pas dy ditësh.

Një ditë më parë, Policia e Durrësit në një deklaratë për mediat bëri të ditur se pista kryesore per ngjarjen e djeshme mbetet ajo e vetëvrasjes se 49 vjecarit, por duke mos perjashtuar edhe pisten e nje vrasjeje të mundshme.

Shtypi: Oficeri hetonte për pronat e gjyqtarit Konomi
Vdekja e Isa Çopës është pasqyruar dhe në shtypin shqiptar, ndër to ‘Gazeta Panorama’, në të cilët thuhet se 49-vjecari po hetonte prej mëse një muaji për pronat e gjyqtarit vlonjat Skërdilajd Konomi, i cili u vra muajin e kaloi gjatë një atentati me eksploziv.

Duke cituar burime jozyrtare shkrimi në ‘Gazetën Panorama’ vijon me argumentin se SHISH-i i Durrësit ishte angazhuar pasi gjyqtari Konomi ishte në konflikt të hapur për pronësinë e më se 300 hektarëve tokë në bregdetin e Gjirit të Lalzit dhe se bashkë me oficerin Isa Çopa në automjet janë djegur dhe një sërë dokumentash të rëndësishme.

Ndërkaq koleget e tij kanë thënë për ‘Gazeta Shqiptare’ se 49-vjecari ishte i fiksuar se do ta largonin nga puna, ndaj dhe kjo mund të ketë shkaktuar vendimin për vetëvrasje.

Ndërkohë që vetë familjarët nuk kanë pranuar të japin deklarata publike, pa dalë përfundimet e hetimeve.
Sipas tyre Isa Çopa ishte njeri i rregullt dhe korrekt dhe se nuk ka patur asnjë konflikt personal, familjar apo në punë.

(d.b/e.m/NEWS24/BalkanWeb)

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu