Plagosen tri femra gjatë festimit me armë në dasmë

0
107

Gëzimi kthehet në dhimbje, tre të plagosur në një dasmë në Suharekë!

Policia e Prizrenit njofton se në Tërnje të Suharekës tre persona janë plagosur nga të shtënat e pa kontrolluara nga dy armë të zjarrit: njëra kallashnikov dhe tjetra pistoletë, tri femra kanë marrë plagë.
Njoftimi i Policisë

Tërnje-Suharekë, 19 korrik

Rreth orës 22:38 minuta, në një dasmë në fshatin Tërnje, nga të shtënat e pa kontrolluara nga dy armë të zjarrit: njëra kallashnikov dhe tjetra pistoletë, tri femra kanë marrë plagë. Viktimat janë dërguar në Emergjencën e Spitalit Rajonal në Prizren për trajtim mjekësor dhe pas dhënies së ndihmës, njëra nga viktimat është përcjell në QKUK në Prishtinë. Pas pranimit të informatës për rastin, policia ka dalë në vendin e ngjarjes dhe ka kryer hetime. Janë kryer bastisje në katër shtëpi me ç’ rast janë gjetur dhe sekuestruar:

Një kallashnikov i prodhimit jugosllav me numër serik 207588;

Një pistoletë “Ekol Firat” me numër serik EJC16080142;

Dhjetë fishekë të kalibrit 9mm;

Një fishek i revolverit;

Një gëzhojë e kalibrit 9mm;

Gjashtë gëzhoja të kalibrit 7.62mm;

Një karikator i AK-47;

Një karikator i pistoletës.

Gjatë hetimeve janë arrestuar dy meshkuj në cilësi të personave të dyshuar për të cilët dyshohen se kanë konsumuar elemente të disa veprave penale. Të dyshuarit janë intervistuar në prani të avokatëve mbrojtës dhe më pas është konsultuar prokurori i shtetit i cili ka urdhëruar që të dyshuarit të ndalën nën masën e arrestit policor.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu