Policia konfirmon arrestimin e Halim Halimit, vëzhgues i LDK-së!

0
225

( E plotësuar) Policia e Kosovës ka konfirmuar për “Gazeta Blic” arrestimin e Halim Halimit, vëzhgues nga Lidhja Demokratike e Kosovës në një prej qendrave të votimit në Koshare.

“Policia në bashkëpunim dhe koordinim me prokurorinë janë duke e trajtuar një rast në Koshare të Ferizajt për dyshime rreth udhëzimve, sugjerimit, për votim”, tha zëdhënësi i PK-së Baki Kelani, për “Gazeta Blic”.


“Sot, nga raportimet e terrenit, bëhet e ditur se në shkollën “Dëshmorët e Koshares”- Qendra e Votimit në Koshare te Ferizajt, është ushtruar presion dhe shantazh ndaj votuesve nga vëllau i kryetarit të nëndegës së LDK-së në Koshare, Halim Halimi.

Halim Halimi është vëllau i kryetarit të nëndegës së LDK-së në Koshare, Valon Halimi, punonjës i administratës Svarqa.
Vlen të theksohet se për shkak të keqpërdorimit të autorizimeve si vëzhgues, presionit dhe shantazhit të ushtruar ndaj votuesve, ai është arrestuar nga Policia e Kosovës dhe presim që edhe organi i akuzës të procedoj rastin zyrtarisht, kjo për shkakun se ky presion, shantazh për të votuar kandidatët e LDK-së për Kuvendin e Kosovës, është ushtruar në cilësinë e vëzhguesit të zgjedhjeve nga ana e LDK-së.
Këto raste janë përpjekje për dështimin e procesit zgjedhor, manipulimin e votave si dhe frikës së pushtetit komunal që me direktivat e kryetarit Svarqa të minohet procesi i rregullt zgjedhor.

PDK në Ferizaj, kërkon urgjentisht nga gjithë monitoruesit e zgjedhjeve, organet e sigurisë dhe të akuzës që të ngrisin rastet e tilla në nivel zyrtar dhe të procedohet me to sipas parashikimeve ligjore. Njëkohësisht, ftojmë qytetarët që të përmbahen nga akte të tilla provokuese dhe dashakeqe për një proces të rregullt zgjedhor.” raporton shtabi zgjedhor, PDK- Ferizaj

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu