Qendra Didaktike në Gjakovë dhe Drejtoria Komunale e Arsimit , organizuan Punëtorinë “Përvoja amerikane në fillimin e vitit të ri shkollor”

0
225

Nën organizimin e Drejtorisë Komunale për Arsim dhe Qendrës Didaktike, në ambientet e Qendrës Didaktike në Gjakovë, u mbajt punëtoria “Përvoja amarikane në fillimin e vitit të ri shkollor”, me drejtorët e shkollave të Komunës së Gjakovës, ku ligjëroi Mr.Ali Zalli, ish prof i fizikës në Gjimnazin “Hajdar Dushi” në Gjakovë dhe për 15 vite me radhë, prof i fizikës në Menhattan të New Yorkut, në njërën ndër qendrat më të njohura amerikane për shkencë dhe matematikë.
“Qëllimi i kësaj punëtorie nga Qendra Didatike, ka synim përmanent të sigurojë ekspertë të lemisë së arsimit, si për drejtorë ashtu dhe për mësimdhënës, në mënyrë që shkollat e Komunës së Gjakovës të krijojnë një bazë për një ciësi më të mirë në mësimdhënie dhe mësimnxënie, krahas një udhëheqjeje të mirë dhe solide të shkollave tona”, tha zëvendës koordinatori i Qendrës Didaktike, prof. Tahir Bakalli.
Bakalli shtoi më tutje se në këtë takim, të pranishmit patën rast të shohin se si shkollat amerikane bëjnë përgatitjet profesionale e administrative për fillim të vitit shkollor dhe si manaxherët ashtu edhe mësimdhënësit krijojnë një bazë për një relacion më të mirë të diciplinës, vlerësimit, aktiviteteve dhe mësimdhënies në nivelin e shtetit amerikan.
“Kjo punëtori ishte një rast i volitshëm që drejtorët e shkollave te Komunës sonë të përfitojnë përvoja nga arsimi të një shteti me një arsim ndër më të avansuarit në botë”, tha më tej Bakalli për Zërin e Kosovës.
Në këtë takim mori pjesë edhe Luan Shllaku, Këshilltar për Arsim pranë Zyrës së kryetarit të Komunës së Gjakovës z.Ardian Gjini.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu