Shqiptaret në Nish për t’u pajisur me pasaporta serbe; por në sportele shkjau u bën zbor!

0
369

Pasaportat Serbe

“Skamja të çon në derë të hasmit”, është një fjalë e urtë popullore, që për shqiptarët e Kosovës po bëhet realitet i hidhur këto kohë.

Një burimi i tha tesheshi.com se për çdo ditë nga Graçanica, enklavë serbe që gjendet në qendër të Kosovës, së paku 30 shqiptarë, pleq e të rinj, nisen me furgona drejt Nishit të Serbisë, jo nga dëshira por nga halli.

Mësyjnë drejt qytetit serb me shpresë se do të pajisen me pasaporta të Serbisë, pasi për shkak të mosliberalizimit të vizave, ajo e Kosovës nuk ka çfarë u hyn në punë.

Kjo, dhe për shkak të një dëshire për t’u larguar nga Kosova. Dhe shpëtimin e gjejnë tek pasaportat serbe, të cilat kanë një çmim të lartë, jo vetëm financiar por dhe çmim dinjiteti.

Burimi tha se pas dështimit të qeverisë së Kosovës në liberalizimin e vizave me BE-në, numri i shqiptarëve të Kosovës që presin në sportelet e stacionit policor të Nishit është rritur dukshëm.

Pasaportat serbe 1

Por ata aty, gjenden si “cjapi tek kasapi”. Burimi informoi se ata aty keqtrajtohen dhe torturohen psiqikisht, sidomos nga ish-policë të Kosovës, të cilët, pas luftës, për shkak të krimeve të kryera në Kosovë kanë ikur në Serbi dhe tani janë duke shërbyer në stacionin e Nishit, pikërisht aty ku u kanë “bujtur” shqiptarët hallemëdhenj.

“Shqiptarët nuk lejohen që të ulen në stolat që janë të vendosur në korridor para zyrave. Policët serbë i detyrojnë ata që të qëndrojnë në këmbë, në rresht për një, dhe këtë lloj zbori jua bëjnë dhe duke i sharë ata”.

“Shptari, çka po kërkoni ju këtu, ju e keni shtetin e juaj, keni edhe pasaporta. Ikni se vetëm Aleksandar Vuçiçi po ju lejon, se ne do iu kishim vrarë”, iu thonë policët serbë shqiptarëve që presin në radhë për të dorëzuar dokumentacionin apo për të marrë pasaportën”, ka thënë burimi i portalit tesheshi.com.

Pasaportat serbe 2

Sipas tij, keqtrajtimet për shqiptarë janë të përditshme. Ka pasuar raste kur edhe serbët që punojnë në zyra, pra ata që janë nëpunës, janë fjalosur me bashkëpatriotët e tyre policë duke kërkuar nga këta që të mos i fyejnë dhe ketrajtojnë shqiptarët”.

Por, ka thënë burimi, i cili i ka parë me sy këto skena, “mjerisht nuk kam guxuar që të nxjerr telefonin dhe të regjistroj se çfarë torturash përjetojnë shqiptarë deri sa pajisen me letërnjoftim dhe pasaportë serbe.”

Pothuajse të gjitha dokumentet e shqiptarëve që dëshirojnë të pajisen me pasaporta serbe, rregullohen në Graçanicë dhe Çagllavicë; por ka edhe disa të tjera që duhen të rregullohen në qytetin e Prokuples së Serbisë, aty ku janë të vendosur dokumentacionet e kosovarëve që Serbia i ka marrë dhe plaçkitur gjatë luftës.

Pasaporta serbe 3

Çdo shqiptar që pajiset me pasaportë të Serbisë, duhet të paguajë së paku 200 euro ryshfet, si dhe rreth 60 euro të tjera për pasaportë dhe dokumenta; dhe duke iu shtuar këtyre dhe 30 euro biletën kthyese, ushqimin etj., pasaporta shkon pra nga 300 deri në 350 euro.

Interesant është fakti se në pikën e kalimit kufitar të Merdares, në anën serbe, sjellja ndaj shqiptarëve është korrekte, edhe pse e dijnë arsyen se ku po shkojnë dhe pse po shkojnë. Që do të thotë se u intereson që shqiptarët të bëhen “serbë” dhe të lënë tokën e tyre. Por kur janë në sportele, ndodh që dhe t’i nëpërkëmbin, kur shohin hallin që i shtyn deri aty e që nuk u bën të kthehen pas.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu