Sokol Bashota zëvendëson Hashim Thaçin në Qeveri?!

0
99

Bashota

Partia Demokratike e Kosovës (PDK) është duke shikuar mundësi të ndryshme që të vije deri te vazhdimi i qeverisjes. Mirëpo edhe pas vendimit të Gjykatës Kushtetuese që i jep të drejt PDK-së për të zgjedhur kryeparlamentarin, blloku paszgjedhor LDK-AAK-Nisma vazhdon të mbetet në qëndrimin e mëhershëm se edhe kjo pozitë ju takon atyre.

E pa zgjedhjen e kryeparlamentarit, as qeveria nuk mund formohet, kështu që PDK-ja në disa raste ka bërë thirrje që të gjendet një zgjidhje, duke u përmendur edhe qeveri gjithëpërfshirëse.

Megjithatë, një thirrje e tillë nuk është marrë parasysh nga blloku LDK-AAK-Nisma, dhe ngërçi politik vazhdon, derisa sot është caktuar vazhdimi i seancës konstituive të Kuvendit të Kosovës më 12 shtator.

Për ta vazhduar qeverisjen me vendin, PDK-ja mund të lëshojë pe në një pikë – në kreun e ekzekutivit. Kjo, marrë parasysh se blloku paszgjedhor LDK-AAK-Nisma, vazhdimisht i referohet largimit të Hashim Thaçit nga qeverisja.

Burime të Indeksonline thonë se Hashim Thaçi mund të tërhiqet nga udhëheqja e qeverisë, por jo edhe në pikën që PDK-ja si parti mos ta udhëheqë me ekzekutivin.

“PDK-ja po kërkon një ‘të fortë’ të partisë që të jetë kryeministër në rast se është e pamundur zgjedhja e Hashim Thaçit”, ka thënë ky burim për Indeksonline.

Sipas tij, brenda partisë është lakuar emri i kryetarit të Klinës, Sokol Bashotës si zëvendës i Thaçit në qeveri dhe person i pranueshëm për partitë e bllokut paszgjedhor, në mënyrë që vendi të udhëhiqet nga një qeveri gjithëpërfshirëse.

“Sokol Bashota është dorë e fortë brenda PDK-së dhe krah i fortë i Thaçit”, ka thënë tutje ky burim.

Indeksonline ka kontaktuar edhe me Bashotën, i cili shkurt ka thënë se nuk mund të komentojë asgjë tash për tash.

“Nuk e di, s’mund të flasë tash, s’mund të bëjë asgjë publike. Ju thërras me vonë”, ka thënë përmes telefonit Bashota.

E më vonë, Bashota nuk është lajmëruar më në telefon.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu