A ka “rrëshqitur”, Fatos Lubonja?

0
908

Fatos Lubonja gënjen kur thotë se Shqiptarët e Kosovës më shumë e kanë ndier veten jugosllav se sa shqiptaë. Sikur të ishte një prilli, Fatos Lubonjës, gënjeshtra do ti pranohej, përndryshe kjo gënjeshtër ka fyer rëndë shqiptarët e Kosovës Historike dhe më gjerë. Kush kujt i bënë shërbim, me (pa) pagesë! Për kë punon Fatos Lubonja dhe sojët e tij. Në taborin e antibashkim, antishqiptar dalin teza të reja: “ Shqiptarët e Kosovës më shumë e kan ndier veten jugosllav se sa shqiptar, është e barasvlefshme sikur tani ta quash shqiptarin jashtë Shqipërisë Londineze : kosovar, serb, maqedon, malazez, grekë, ukraninas, bullgar, etj.etj.( sipas protogonistëve -kumbar të kosovarizmit, shqiptarët që jetojnë në shtete: Kosovë, Serbi, Maqedoni, Mal i Zi, Ukrainë, Bullgari, nuk mund tu thuash SHQIPTARË). Falenderojmë prof. dr. Mehdi Hysenin që ka reaguar në dekleratën e Fatos Lubonjës në web elektronike, nëpërmjet të cilave u njoftuam për “shpikjen e Fatos Lubonjës”, lidhur me projugosllavizmin e Shqiptarve të kosovës dhe viseve tjera nën ish-jugosllavi.

Askush deri më tash nga armiqët më të përbetuar të SHQIPTARËVE të Shqipërisë Etnike-Natyrale, veçanërisht të Shqiptarëve (që kanë jetuar nën okupim qindra vjeçare) nën Jugosllavi nuk ka plasuar në opinion një gënjeshtër me përmasa kolosale se sa gënjeshtra e Fatos Lubonjës. Ata që e kanë lexuar në web faqe: http://www.albanianeconomy.com/news/2009/10/21/political-developments-spark-kosovo-identity-debate/), dekleratën e Fatos Lubonjës, me të drejtë janë shqetësuar. Sikur të plasohej me një prill kjo gënjeshtër e Fatos Lubonjës, njeriu do të thoshte: epo është gënjeshtër për ditë të gënjeshtrave. Madje edhe si e tillë, ajo tekjkalon imagjinatën e njeriut.

Projugosllavizmin e shqiptarëve të Kosovës dhe viseve tjera e shpiku një intelektual me përmasa përtej shqiptare, do të ishte mirë që z. Lubonja të konkurojë për librin e”GINISIT” për shpikje të tilla, nëse asgjë nuk i japin kompetentët e fondit të” Ginisit”, atëherë me siguri “dashamirët” e tij gjithsesi do ta shpërblenin, për “të vërtetën e projugosllavizmit shqiptar të kosovës që e plasoi në opinion” dhe jo vetëm kaq, pasi që Fatos Lubonja është i vetmi që po e ditka se shqiptarët e Kosovës e paskan ndier vetën më shumë Jugosllav se sa shqiptar, këtë të “vërtetë” qenka mirë me e dërguar në Akademin e Shkencave të Serbisë, për ta fituar gradën” Bashkëpunëtor i Akademisë së Shkencave të Serbisë”, kjo grad i takon ngaqë ka “zbuluar” diçka që është me interes të madhë për shkencën serbe. Këtë të pavërtetë, këtë antikombëtarizëm shqiptare mund ta thotë vetëm një njeri që “e ka shitur shpirtin intelektual” armiqëve të kombit, siç janë: shkiet, grekët, rusët…, maqedonët etj.

 

Le të më lejohet ta citojë profesor Mehdi Hysenin, lidhur me gënjeshtrën e Fatos Lubonjës, njëkohësisht po i themi profesor Mehdiut shumë faleminderit që na e bëre të mundur me e lexuar edhe dekleratën e Fatos Lubonjës në web faqen e cituar më sipër. “ -Motivin dhe shtytjen e një konstatimi të tillë negativ apolitik dhe antishqiptar, vetëm djajët jugosllavë  titoistë, ose njerëzit e pacipë dhe  pa identtit, ndoshta, mund ta kishin dijtur, askush tjetër. Mirëpo, habit fakti i heshtjes, askush nuk ia ka përplasur në fytyrë Fatos Lubonjës përgjigjen e vërtetë se, shqiptarët e Kosovës, nuk ishin “ më shumë jugosllavë sesa shqiptarë”, por ishin viktima dhe robër të tiranisë kolonialiste serbo-jugosllave(1945-1999). Kjo është e vërteta e dhimbshme dhe  tragjike për shqiptarët e Kosovës, jo shpifja e turpshme e  Fatos Lubonjës se kinëse “në një kohë të caktuar, shqiptarët e Kosovës kanë qenë më shumë jugosllavë sesa shqiptarë.

… Fatos Lubonja,  dikur i burgosur politik, me gjasë, ashtu siç është përfolur në masmediat shqiptare, i gjykuar si “agjent  sovjetik dhe jugosllav”, kurse sot, në sistemin kapitalist demokratik, analist politik i pavarur, por destruktiv, shtrembërues i keq dhe i njëanshëm skajshmërisht, kur është fjala për pohimin dhe ndriçimin e së vërtetës së shqiptarëve të kolonizuar nën Serbojugosllavi (1945-1999).


…Vetëm njerëzit e pa identitet, mund t’iu qepin një të pavërtetë të tillë lubonijane shqiptarëve të Kosovës, askush tjetër. “


Sikur të thoshte Fatos Lubonja se shqiptarët e Kosovës dhe jo vetëm të Kosovës gjatë gjithë historisë së tyre përkundër reziqeve dhe përjetimeve nëpër kazamatet e Serbo-sllavisë e kanë dashur Shqipërinë Etnike, e duan edhe sot, ai e kishte kryer një obligim moral, patriotik shqiptar, dhe si i tillë do të na jepte krahë për të vazhduar më me ngulm drejt Ribashkimit Kombëtar, sepse përkrahja e një publicisti i nivelit të Fatos Lubonjës për Shqipërinë Etnike-Natyrale ka peshë tek shqiptarët e gjitha trojeve shqiptare. E kundërta deklerata e Fatos Lubonjës se shqiptarët e kosovës kanë ndier veten më shumë jugosllav se sa shqiptarë është ofenduese dhe tejet nënçmuese.

 

Shkruan:

Cenë Pushkolli,

[email protected]

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu