Albin Kurti reagon pas gjetjeve të Institutit Zviceran për Astrit Deharin

0
225
Albin Kurti reagon pas gjetjeve të Institutit Zviceran për Astrit Deharin

Kreu i Lëvizjes Vetëvendosje, Albin Kurti, është deklaruar pas publikimit të raportit nga ekspertët e mjekësisë ligjore nga Instituti i Lozanës të cilët përjashtuan mundësinë që Astrit Dehari të ketë kryer vetëvrasje.

Sipas tij nevojitet hetim i ri dhe profesional për të ndriçuar plotësisht këtë rast, përcjell “Zëri”.

Ky është status ii plotë i Kurtit:

Ekspertët e mjekësisë ligjore nga Instituti i Lozanës në Zvicër e kanë përjashtuar mundësinë e vetëvrasjes së Astrit Deharit. Raporti i tyre është shkencor dhe i hollësishëm për nga metoda dhe të gjeturat. Ata kanë konstatuar përfshirjen e personi/ave të tretë.

Nevojitet hetim i ri, i pavarur e profesional, për ta ndriçuar plotësisht këtë krim. Jo vetëm mbi faktet e provat materiale. Sepse, duhen hetuar e shqyrtuar rrethanat fizike dhe të tjera të krimit, si dhe procesi i deritanishëm hetues. Sepse, duhen hetuar njerëzit përgjegjës, çka kanë bërë, si e kanë bërë dhe çka nuk kanë bërë.

Krimit mbi Astritin në duar të shtetit para tri vjetëve i është shtuar padrejtësia e shtetit tash e tri vjet. Drejtësia për Astritin nuk ka alternativë. Është në pyetje asgjë më pak se e drejta për jetë e qytetarit të Republikës.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu