Demostraza Stundetore e 1 Tetorit 1997 si vazhdimësi e nje Epoke Historike

Pavarësisht se motoja e kësaj demonstrate ishte:

1) Kthimin e studentëve shqiptarë në lokalet e  Universitetin e Prishtinës të uzurpuara nga okupatorët serb, demonstrata pat edhe karakter të thellë politik, sepse;

2) E çjerri maskën e politikës serbe të “mbretërimit të paqes, qetësisë e demokracisë”  në “krahinën jugore të Serbisë” me 95% shqiptar autokton, edhe pse ata me 1989 qenë  të gj´veshur nga tëra të drejtat nacionale si dhe;

3) Çjerri maskën e politikës kapitulluese pacifiste të Rugovës, i cili duke e mashtrua popullin me premtime të rrejshme se do të arrihet pavarësia pa luftë të armatosur, ndërsa angazhohej vetëm për kthimin e autonomisë të Kosovës të 1974 nën Serbi, ai në kushte lufte e përçau unitetin e rezistencën aktive të popullit në shumë parti dhe e sabotoi luftën e UÇK-ës, duke  u përpjekur që të i´a ruante qetësin regjimit serb në qytete e duke e  trimëruar atë që të vazhdon masakrat në fshatrat shqiptare të Kosovës;

4) Demonstratat e 1 tetorit 1997 ndikuan në mobilizimin e popullatës rreth LPK e  UÇK dhe depërtimin e saj në qytete duke e hapur Zyrën e UÇK në Prishtinë në krye me përfaqësuesin e vet Adem Demaçin;

5) Demonstrata e 1 tetorit 1997 ndikoi në ndryshimin e qëndrimit të qendrave  ndërkombëtare ndaj LDK e Rugovës, që deri atëherë e  mbante nën kontrollonte rezistencën si pas nevojave të regjimit serb  dhe të aleatëve  të tyre evropian sllavo-grek;

6) Demonstrata e 1 tetorit 1997 ndikoi në ndryshimin  pozitiv të qëndrimit të SHBA  dhe të disa vendeve mike në Evropë,  ndaj UÇK-ës.

–  Demonstrata e 1 tetorit 1997 tregoi se sa dallim kanë Lëvizjet deklarative, verbale, paqësore, pacifiste e kapitulluese  të tipit të asaj që udhëheq Dallaj Lama në Tibet,  e që nga 1990  në Kosovë si shkollë  atë po e zbatonte Rugova nga
–  Lëvizjet aktive paqësore revolucionare demokratike të asaj që ka udhëheq Gandi në Indi  me vendosmëri të plot  dhe me plot sakrifica, e që nga 1956 në Kosovë atë shkollë po e zbatonte Adem Demaçi. Lëvizja Çlirimtare e Adem Demaçit në parim udhëhiqej  që zgjedhja e çështjes shqiptare të realizohet me mjete paqësore, por nëse regjimi i injoron kërkesat paqësore ajo parashihte edhe  mbrojtjen aktive të armatosur të popullatës nga terrori shtetëror jugosllav.

–  Pas  Demonstratës së 1 tetorit 1997 erdhi deri te masivizimi dhe mobilizimi  e shtrirja e UÇK, që përfshiu shqiptarët në tërë globin tokësor, epilogun e të cilës dramë e kemi të gjithë të njohur. Por, edhe nga kjo lëvizje, më vonë   u shquan ata që i mbetën besnik kauzës kombëtare  duke e vazhduar rezistencën dhe ata që u bënë “dele të zeza” e kolaborator të sundimit  të ri  diktatorial të UNMIK-ut e EULEX-it.

EDHE PAS 1999 UNIONI I STUDENTVE SHQIPTAR ISHTE  NË SHENJESTËR TË DIKTATURËS

Edhe pas vendosjes të sundimit diktatorial te UNMIK-ut në Vitin 1999 Unioni i Pavarur i Studentëve krah për krah me  shoqatat  e dala nga LPK-UÇK e vazhdoi rezistencën ndaj diktaturës së UNMIK-ut dhe ndaj marionetave vendore  me demonstrata të shumta, që kulmuan me 18 mars 2004.

UNMIK-u, OSBE-a si dhe Partitë Politike të Ahtisarit investuan jashtëzakonisht shumë para, për të krijuar agjentura mes studentëve me qëllim qe të shkatërrohet UPS. Nga këto përpjekje agjenturore lindi “Parlamenti i Studentëve”, ku studentet  më nuk kanë kohë me u marr me çështje madhore  studentore e kombëtare por merren me përçarje të brendshme njësoj si partitë politike.

Megjithatë, studentët revolucionar nuk arritën t´i ndalin as frikësimi, as korrupsioni nga qendrat e huaja dhe as kërcënimet e sulmet  fizike nga bandat e partive politike! Ata ne vitin 2005 e  organizuan Lëvizjen Vetëvendosje. Lëvizja Vetëvendosje i organizoi sundimit diktatorial të Brukselit një rezistence  aktive me plot sakrifica, ku ajo u ballafaqua me vrasje e plagosje, me rrahje dhe  me  burgosje politike. Nga  kjo rezistencë Kosova i fitoi dëshmorët e kombit Mon Balaj e Arben Xhaferi e shumë të tjerë që ranë para e pas marsit 2004, si qindra tjerë të   gjymtuar e të plagosur të ri që ishin viktima të regjimi të huaj të  ri. Në Demonstratën  e  10 shkurtit 2007, në rreshtin e par gjendej Adem Demaçi, ku nga  ana e Kosovës ju tha JO e vendosur Planit famëkeq të Ahtisarit!  Plumbat që ranë mbi demonstrues nga armët e  policëve nga vendet e BE me 10 Shkurt 2007  kanë mundur t´a vrasin edhe Adem Denaçin.

Në të kaluarën ton historike të gjitha demonstratat  i kanë liderët e vet ideologjik, organizatorët dhe   prijësit e vet  të njohur e të pa njohur.  Kështu edhe nga Demonstrata e 1 Tetorit 1997  në skenë fuqishëm del emri i Albin Kurtit, që nga epopeja e UÇK-ës lidhet ngushtë edhe me emrin e Adem Demnaçit. Albin Kurti e ka një kontiunitet kohor veprimi  nga 1997 e deri me hyrjen e Lëvizjes Vetëvendosje në Parlamentin e Kosovës . Praktika ka dëshmua se shumë personalitete me shkëlqim  kanë hy në histori, por jo të gjithë kanë dal nga ajo si kanë hy. Andaj uroj që kjo të  mos  ndodh  edhe me Albin Kurtin.

Me kalimin e kohës po shihet se Lëvizja Vetëvendosje i detyroi faktorët e jashtëm dhe ata vendor të pranojnë partneritetin e saj në skenën politike të Kosovës. Lëvizja Vetëvendosje e ktheu edhe njëherë simbolikisht  flamurin kombëtar brenda Parlamentit të Kosovës, nga ku e kishin nxjerr Partitë – marioneta  të Ahtisarit, duke e zëvendësua  flamurin kombëtar  me flamurin kolonial të Brukselit.

Mirëpo përvoja e së kaluarës na mëson se as Lëvizja Vetëvendosje nuk është tërësisht imune nga ndikimet e huaja dhe as ajo nuk mundet të shpëtoi nga “delet e zeza” brenda saj, që do të korruptohen dhe do të instrumentalizohen  nga  sundimi i diktaturës së huaj. Vet heqja dorë nga Kryesia e Lëvizjes  Vetëvendosje që të mos e kandidon Adem Demaçin për President  të Republikës së Kosovës, në zgjedhjet që përfunduan me  emërimin  e një shtetasi të huaj për President, si ishte Pacolli dhe pastaj emërimi i Jahjagës, që erdhi nga jashtë procesi zgjedhor,  nga ana e ambasadorit Dell,  është tregues dyshimi se hyrja e Lëvizjes  Vetëvendosje në Parlament është kushtëzuar nga qendrat e huaja, që ajo të mos e kandidon Adem Demaçin për President  të Republikës së Kosovës.

SE A DO T´A MBIJETOI LËVIZJA VETËVENDOSJE PUBERTETIN POLITIK, VARET NGA KANDIDIMI I ADEM DEMÇIT PËR PRESIDNET,  NË ZGJEDHJET E ARDHËSHME PRESIDENCIALE?

Si po duket nuk është vetëm Adem Demaçi  viktimë, por se  të nijetit faktor të huaj kanë urdhëruar edhe eliminimin klasik stalinist e etiketus të disa aktivistëve veteran nga Lëvizja Vetëvendosje, të cilët nuk kanë pranuar as një lloj shkelje të Manifestit.  Pritet që udhëheqja e Lëvizjes Vetëvendosje këto lajthitja ti  korrigjoi dhe atyre veteranëve të ju hiqen etiketat e rrejshme dhe ata të aktivizohen sërish! Por pritja nuk është e  mundur të jetë e pa fund!

Pas zgjedhjeve të 2010  Brenda Lëvizjes Vetëvendosje kanë hy  FER dhe  struktura tjera andaj tani po  imponohet fakti  se duhet me  e përkrah ç´do iniciativë  pozitive të Lëvizjes Vetëvendosje që përputhet me Manifestin e saj dhe duhet qen skeptik me ç´do iniciativë që vjen nga strukturat tjera brenda Lëvizja Vetëvendosje që mund të vinë nga qendrat e huaja.  Hapja e Lëvizjes Vetëvendosje edhe për struktura tjera e bënë atë ndryshe nga koha para 12 Dhjetorit 2010, sepse aty kanë hy edhe element nga parti tjera që e kanë miratua dhe që e kanë zbatua Planin e Ahtisarit.

Populli Shqiptar historikisht  ka dëshmuar se sa herë që një forcë politike harxhohet dhe fillon marshimin në vend, populli e nxjerr nga gjiri i vet një forcë të re! Por, uroj që kjo të mos ndodh edhe me Lëvizjen Vetëvendosje!

Është me rëndësi të theksohet se Adem Demaçi u injorua hapur dhe u luftua, ku hapur e ku fshehur, edhe në kohën e para edhe pas 1999 nga elementët pacifist kapitullues që kolaboronin si  struktura të ish regjimit jugosllav dhe që tani pas 1999  po kolaborojnë me sundimet e huaja. Kështu vepruan edhe bashkëpunëtorët e Titos, të Rankoviqit e të Millosheviqit kështu po veprojnë edhe bashkëpunëtorët e UNMIK-ut e EULEX-it, nga koha e diktatorit Kushner e deri te Xavier De Marnhac.

S´ka dyshim se Adem Demaçi , sikur që ishte simbol i rezistencës për të gjitha gjeneratat e studentëve  shqiptar nga  27/28 Nëntori 1968  e deri te 10 Shkurti 2007, ai do të vazhdoi të jetë frymëzim i pashtershëm i gjeneratave të reja studentore në luftën çlirimtare deri te arritja e bashkimit kombëtar brenda një shteti, gjegjësisht deri te realizimi i Programit Kombëtar të  Kuvendit të Lidhjes së Prizrenit të vitit 1878! Lëvizja për Pavarësinë e Kosovës identifikohet me simbolin e vet të rezistencës, Adem Demaçin. Andaj Kosova që nga koha e  regjimit Titos e Fadil Hoxhës ndahet në ata që janë me Adem Demaçin dhe në ata që janë kundër Adem Demaçit !

Abdullah Prapashtica