Dështimi në UNESCO, leksion për INTERPOL

0
913

Lulzim-Peci

Mosvotimi për pranimin e Kosovës në UNESCO, sidomos nga shtetet që e kanë njohur pavarësinë e vendit si: Japonia, Korea e Jugut, Polonia…, është dështim i diplomacisë vendore. Kështu vlerëson ish-ambasadori i Kosovës, Lulzim Peci, duke shtuar se për këtë dështim Ministria e Jashtme e Kosovës duhet ta marrë përgjegjësinë dhe jo ta projektojë humbjen si një lloj fitore.

Peci ka thënë për “Zërin” se Kosova nuk duhet të ngurrojë për të aplikuar në organizata ndërkombëtare, por këtë duhet ta bëjë me kujdes dhe vetëm atëherë kur të sigurojë votat e nevojshme për pranim.
“Me këtë rast nuk duhet harruar edhe njohjet e mëtutjeshme, të cilat mund të janë pengesë për pranimin e Kosovës, sidomos në ato organizata ku kërkohet vota pro e 2/3 e anëtarëve. Mospranimi i Kosovës në UNESCO duhet të jetë leksion për aplikimin eventual në INTERPOL, që ka formë të njëjtë të votimit”, ka shtuar ai.

Sipas tij, as Serbia e as Rusia nuk kanë pasur mundësi që të ndikojnë te Japonia, apo Korea e Jugut, ndonëse nuk mund të përjashtohet ndikimi tek Egjipti.

Edhe profesori i së drejtës ndërkombëtare, Afrim Hoti, ka thënë për gazetën “Zeri” se diplomacia kosovare është dashur që të mbajë kontakte të vazhdueshme me shtetet, të cilat e kanë njohur pavarësinë e vendit. Ai thotë se neglizhenca ndaj këtyre shteteve mund të ketë qenë njëri ndër faktorët, të cilët ndikuan në mospranimin e Kosovës në UNESCO

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu