Ish-përfaqësuesi politik i UÇK-së: Përkthimi i raportit zviceran, synim kishte ‘zbutjen’ e krimit. U zbulua një person që mori pjesë në vrasjen e Astrit Deharit

0
246
Ish-përfaqësuesi politik i UÇK-së: Përkthimi i raportit zviceran, synim kishte ‘zbutjen’ e krimit. U zbulua një person që mori pjesë në vrasjen e Astrit Deharit

Veprimtri, Bardhyl Mahmuti deri në detaje ka folur për përkthimin e raportit zviceran, ku konstatohet se Astrit Dehari është vrarë. Mahmuti në një reagim në Facebook ka sqaruar deri në detaje, gabimet e qëllimsjme në përkthim, me qëllim që të zbutet raporti zviceran.

Ai ka theksuar se sipas raportit, është zbuluar një person që mori pjesë në vrasjen e Deharit.

Shënimi i plotë: Edhe nëpërmjet të përkthimit u munduan ta “zbusin” krimin monstruoz! Dallimet në konkluzionet e Raportit të Institutit të Mjekësisë Ligjore të Lozanës në Zvicër të përkthyera nga Prokuroria e Kosovës:

Konkluzioni 1.Versioni i përkthyer nga prokuroria:

1. Ashtu siç është thënë në ekspertizën tonë El180001, ne kemi dyshime që lidhen me rrethanat e vdekjes së z. DEHARI Astrit. Në fakt hipoteza e një vetëvrasjeje e z. DEHARI Astrit përmes mjete të caktuara nga mjekët ligjor duket pak e vërtetë dhe intervenimi i një personi të tretë në proces fatal duhet të kihet parasysh.

Përkthimi im:

1. Siç është theksuar në ekspertizën tonë EI180001 ne kemi dyshime sa i përket rrethanave të vdekjes së Z. Astrit Dehari. Në të vërtetë, hipoteza e vetëvrasjes së Z. Astrit Deharit me mjetet që thonë mjekët ligjorë është pak e besueshme dhe ndërhyrja e një personi tjetër në procesin fatal duhet të përmendet.Në konkluzionin e parë përkthimi është bërë me qëllim që t’i krijojë përshtypjen se gjoja ekspertët zviceran e lënë si diçka subjektive prezencën e personit “të tretë” që “duhet ta kemi parasysh”.

Realisht ekspertiza vjen te konkluzioni se ndërhyrja e personit tjetër duhet të përmendet, që do të thotë se ai objektivisht ka qenë prezent. Me një fjalë, “përmendet” vetëm ajo që ekziston objektivisht, ndërsa mund të kemi parasysh edhe ato që personat mund të mendojnë subjektivisht.Konkluzioni i dytë:Versioni i përkthyer nga prokuroria:

Analizat e ADN-së të kryera në laboratorët tona kanë mundësuar të vejnë në dritë një profil të ADN-së mbi mostrën e përshkruar nga ekspertët e Kosovës siç thuhet se përmbanë pak ose shumë pak ADN.

Përkthim me një sintaksë jo shqipe që krijon konfuzion.Përkthimi im:

Analizat e ADN-së të kryera në laboratorët tona kanë mundësuar të nxjerrin në pah një profil të ADN-së në një mostër, të cilën ekspertët e Kosovës e përshkruajnë sikur të përmbante pak ose fare ADN.Pra ekspertët e Kosovës e kanë përshkruar se gjoja mostra paska përmbajtur pak ose aspak ADN, ndërsa përkthimi përpiqet të fsheh qëndrimet e ekspertëve kosovarë duke ndryshuar fjalën “aspak” me atë “shumë pak”!!!Sidoqoftë, konkluzioni në gjuhën frënge është iqartë: Ekspertët zviceran kanë zbuluar ADN e një personi tjetër që ka marrë pjesë në vrasjen e Astritit.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu