Presidenti i Kosovës Hashim Thaqi, kryetari i Prishtinës Shpend Ahmeti, i pari i bashkësisë islame, Naim Tërnava dhe kandidati për kryeministër nga radhët e Vetëvendosjes, Albin Kurti, janë kërcënuar publikisht, me anë të grafiteve nga njerëz të panjohur.
Shkak i këtyre kërcënimeve sipas shënimeve është xhamia e cila është planifikuar të ndërtohet në Dardani.
Nëpërmjet këtyre grafiteve, të vendosura në muret e Fakultetit të Filologjisë në Prishtinë, të tre këta persona janë kërcënuar me jetë.
Përderisa në njërin prej grafiteve thuhet “Vdekje Naim Tërnavës e Hashim turkut”, në të tjerë kryetari i kryeqytetit kërcënohet në këtë formë: “Do të vritesh o qen, poshtë VV e Albin talebani”.
Madje, në këto shkrime, thuhet se do të derdhet gjaku e nuk do të lejohet të ndërtohet xhamia. /Zëri/
SQ 
EN 
