Menjëherë pas konferencës për media të Albin Kurtit, Prokuroria nis hetimet në Kompaninë e Ujësjellësit Rajonal “Prishtina”

0
271
Menjëherë pas konferencës për media të Albin Kurtit, Prokuroria nis hetimet në Kompaninë e Ujësjellësit Rajonal “Prishtina”

Pa kaluar as 24 orë nga konferenca për media që kryeministri në detyrë i vendit, Albin Kurti ka mbajtur me ministren Rozeta Hajdari, ku prezantuan shkeljet në Ujësjellësin Rajonal “Prishtina”, Prokuroria Themelore në Prishtinë ka nisur hetimet.

Kështu thuhet në një njoftim të lëshuar për medie nga kjo Porkuroria, raporton Gazeta Blic.

Sipas njoftimi të lëshuar për media, Prokuroria e ka autorizuar Njësitin për Krime Ekonomike dhe Korrupsion të Policisë së Kosovës, që menjëherë të nis hetimet në këtë kompani.

Njoftimi i plotë:

Sot, Prokuroria Themelore në Prishtinë, ka autorizuar Njësitin për Krime Ekonomike dhe Korrupsion të Policisë së Kosovës, që të ndërmarr veprime hetimore lidhur me rastin e raportuar nga mediat me titull: “Kryeministri në detyrë Albin Kurti: Jemi detyruar që të ndërhyjmë shpejt për të parandaluar keqpërdorimin që po i bëhej parasë publike”,  sipas cilit shkrim Kryeministri në detyrë i Republikës së Kosovës, Albin Kurti, bashkë me ministren në detyrë të Ministrisë së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari, kanë mbajtur një konferencë për media, në të cilën kanë njoftuar për vendimin për shkarkimin  e zyrtarëve të lartë të menaxhmentit të Kompanisë së Ujësjellësit Rajonal Prishtina.

Ministrja Rozeta Hajdari, ndërkaq ka prezantuar gjetjet kryesore që kanë ardhur nga raporti i Auditorit të Jashtëm si dhe nga raporti i Auditimit të Brendshëm për vitin 2016, 2017, 2018.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu