Mustafa u frikësua nga mungesa e mbështetjes

0
636

Isa Mustafa

Janë disa arsye që kishin shtyrë rritjen e trysnive ndërkombëtare javët e fundit që rezultuan me prishjen e bllokut VLAN dhe formimin e koalicionit të madh, PDK-LDK. Burime të gazetës Tribuna i kanë veçuar disa momente si kyçe për formimin e këtij koalicioni. Kurse momenti kryesor, konsiderohet bindja e Isa Mustafës se ai do ta kishte në pikëpyetje mbështetjen si kryeministër me partitë e VLAN-it, nëse brenda qeverisë nuk do të ishte Lista Serbe, si dhe nëse e njëjta qeveri do t’i miratonte si qasje programore parimet e Vetëvendosjes për dialogun me Serbinë dhe rishikimin e marrëveshjeve të arritura.

Ndërkaq, një qeveri që do të përbëhej nga PDK-ja dhe LDK-ja, për faktorin ndërkombëtar kishte nënkuptuar sigurimin dhe vazhdimin e angazhimeve të Kosovës për themelimin e Gjykatës Speciale, vazhdimin e dialogut dhe zbatimin e marrëveshjeve me Serbinë, me theks të veçantë në krijimin e shpejtë të Asociacionit të Komunave Serbe e deri te përcaktimi i për miratimin e bazës së nevojshme ligjore për sanksionimin e pjesëmarrjes së qytetarëve të Kosovës në luftat jashtë vendit.

Duke i bërë krahasime një qeverie që do të themelohej nga VLAN dhe qeverisë PDK-LDK, këto burime theksojnë se e para, nuk garantonte gjithpërfshirjen dhe as vazhdimin e zbatimit të obligimeve ndërkombëtare që i ka marrë përsipër shteti i Kosovës.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu