Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!

0
899
Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!

Mungesa e përgjegjësisë së Rektoratit të Universitetit të Prishtinës “Hasan Prishtina” dhe e Ministrisë së Arsimit, Shkencës dhe e Teknologjisë në filtrimin e listave të aplikantëve që synojnë të vijojnë studimet në UP është bërë mundësi e manipulimit me kombësi, për regjistrim në fakultet.

M.L. nga qyteti i Mitrovicës ka shfrytëzuar këtë situatë në afatin plotësues për regjistrim në Fakultetin e Mjekësisë, duke ndërruar etninë e saj pas dështimit të pranimit në konkursin e parë për vitin akademik 2018/2019. Ky student e ka ndërruar kombësinë nga shqiptar në boshnjak.

Rastin e ka konfirmuar për “Gazeta” Prodekani i këtij fakulteti Ibrahim Rudhani. Sipas tij, ka edhe raste tjera që në mënyrë të ngjashme kanë arritur të zënë ulëse brenda UP-së, raste këto për të cilat pohon se e kanë njoftuar Rektoratin dhe MASHT-in.

E kemi iniciuar këtë rast, por nuk është vetëm ajo janë edhe 8 ose 11 raste të tilla, saktësisht nuk e di sepse jam jashtë fakultetit, që në afatin e parë janë deklarur si kosovar kurse në afatin e dytë janë deklaruar si minoritet. Në konkurs të Universitetit ka qenë mundësia të vetë deklarohen për kombësinë. Ne kur e kemi hetuar këtë fenomen së bashku me kryetarin e komisionit kemi shkuar në rektorat dhe jemi takuar me sekretarin Esat Kelmendi dhe e kemi informuar. Ai ka thënë që të zgjidhet nga ne ky problem, por ne i kemi thënë që rektorati të marrë masa sepse konkursin e kanë hapur ata. Ndërkohë sekretari i ka shkruar zëvendësministrit të Ministrisë së Arsimit Artan Berisha, dhe ai e ka marrë përsipër që të konfirmojë etninë e tyre dhe meqë ka ardhur afati për t’i shpallur rezultatet, ne i kemi nxjerrë ato preliminare“, ka thënë Rudhani.

Për raste të tilla, sipas këtij prodekani përgjegjësia bie tek Rektorati i UP-së sepse “ata e kanë përgjegjësinë për verifikim të tyre, ne nuk kemi kompetencë as ta njoftojmë prokurorinë”, është shprehur ai.

Lidhur me rastin “Gazeta” ka kontaktuar sekretari i përgjithshëm të UP-së Esat Kelmendi, por ai nuk ka qenë në gjendje që të jap një sqarim.

Edhe nga MASHT-i kanë refuzuar të deklarohen për këtë rast. “Gazeta Blic” ka kontaktuar me Drita Kadriun, drejtore e departamentit të arsimit të lartë, por ajo nuk ka dhënë asnjë përgjigje, pavarësisht intinstimit.

Ndërkohë “Gazeta” ka arritur të sigurojë listën zyrtare të publikuar nga Fakulteti i Mjekësisë në afatin e parë për regjistrim në UP, ku kandidatja M.L., kishte konkurruar me kombësi shqiptare dhe ishte e renditur më poshtë se 600-ta në listë.

Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!

Ndërsa në afatin plotësues, në listën preliminare M.L., është renditur e dyta pas një kandidati tjetër e cili po ashtu dyshohet se ka manipuluar me kombësi, pas që Komisioni për Pranimin e studenteve në Fakultetin e Mjekësisë ka veçuar se pranimi do të bëhet me rastin e vërtetimit të etnisë përkatëse.

Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!

Pak ditë më vonë MASHT-i ka vërtetuar etninë përkatëse të aplikantëve, duke e nxjerr M.L., si të parën ne listën përfundimtare e të pranuarve në fakultet nga vendet e rezervuara për minoritetet pakicë.

Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!
Nga shqiptarë bëhen boshnjakë, për t’u regjistruar në Mjekësi. UP dështon t’i ndalë këto skandale!

Edhe në të kaluarën aplikantët kanë shfrytëzuar praktikën e njëjtë për pranim në Fakultetin e Mjekësisë. Vetëm në vitin e kaluar janë identifikuar 10 aplikantë që kanë ndërruar etninë për pranim në fakultet. 

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu