Pakoja e Ahtisaarit nuk parashihte Asociacion me komuna monoetnike

0
844

Katër komunat veriore të vendit vazhdojnë të funksionojnë jashtë sistemit juridik e shoqëror të Kosovës.

Sovraniteti i republikës është i pranishëm vetëm përmes policisë së udhëhequr nga një komandat serb dhe gjykatave të kryesuara nga EULEX-i, raporton KTV.

Kjo pjesë e Kosovës tashmë ka shfaqur ambicien e saj që nëpërmjet Asociacionit të Komunave Serbe të kërkojë shkëputjen dhe pavarësimin e saj.

Fajtorë për këto ide, për njohësin e çështjes së decentralizimit, Avni Zogiani është vetë politika kosovare, e cila dështoi të mbrojnë territorin e veriut, as ashtu siç parashihej në pakon e Ahtisaarit.

Besnik Tahiri është njëri ndër politikanët që është marrë vazhdimisht me çështjen e decentralizimit dhe zbatimin e politikave të dala nga plani i Ahtisaarit.

Tahiri thotë se krijimi i një asociacioni mono-etnik bie në kundërshtim me vetë thelbin kryesor të Pakos së Ahtisaarit e që është shpallja e pavarësisë së Kosovës si një shtet multietnik.

Tahiri madje është i mendimit se nuk është në interesin e Serbisë ndarja e Kosovës e as marrja e Mitrovicës.

Sipas tij, Serbia po e shfrytëzon atë vetëm si platformë për të ndërtuar kauzën që ta përdorë në bisedimet e Brukselit dhe për vota e nacionalistëve në Serbi.

Por, Zogiani beson se Serbiado të përdorë metodën e njëjtë siç bëri në ndarjen e Bosnjë Hercegovinës.

Pakoja e Ahtisaarit në bazë të së cilës u shpall edhe pavarësia e Kosovës, në aneksin III, kishte paraparë themelimin e një sistemi të avancuar dhe të qëndrueshëm të vetëqeverisjes lokale në Kosovë.

Me këtë parashihej trajtimi i shqetësimeve legjitime të serbëve të Kosovës dhe komuniteteve tjera që nuk përbëjnë shumicën.

Por, presidenti serb Tomisllav Nikoliq në takimin e fundit në Bruksel, hapur tha se nëpërmjet asociacionit do të kërkojnë pavarësi të komunave serbe nga Kosova.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu