Pas raportimit të Insajderit, suspendohen Komandanti i Njësisë Speciale dhe Drejtori i Burgut të Sigurisë së Lartë

0
256
Pas raportimit të Insajderit, suspendohen Komandanti i Njësisë Speciale dhe Drejtori i Burgut të Sigurisë së Lartë

Një ditë pas raportimit të Gazetës Insajderi, për ndejen me vëllaun e Hashim Thaçit, Nazmi Thaçi, suspendohen Burim Buleshkaj, ushtrues detyre i burgut të Sigurisë së Lartë dhe komandanti i Njësisë Speciale, Amir Gërguri.

Ministria e Drejtësisë e ka suspenduar sot Burim Buleshkajn, ushtruesin e detyrës së burgut të Sigurisë së Lartë.

Lajmin për Insajderin e ka konfirmuar zyra e ministres së Drejtësisë.

Nga pozita e komandantit të Njësisë Speciale është suspenduar edhe Amir Gërguri.

Lajmi është konfirmuar nga Policia e Kosovës.

Vendimet kanë ardhur pas ndejës private në Shalë të Bajgorës për të cilën ka raportuar mbrëmë Gazeta Hulumtuese Insajderi.

Në të kishin marrë pjesë Buleshkaj dhe Gërguri – e ku shihej edhe vëllau i Presidentit, Nazmi Thaçi si dhe dy persona të dyshuar për lidhje me krimin: biznesmeni Blerim Potera dhe Bedri Mustafa, vëllau i komandant “Remit” – të njëjtit kanë shkelur masat e vendosura nga organet e rendit dhe Qeveria e Kosovës për anulimin dhe mospmarrjen pjesë në ahengje apo aktivitete të ndryshme në mënyrë që të parandalohet përhapja e pandemisë COVID-19.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu