Qosja thotë se shkëmbimi i territoreve shpëton Kosovën nga Asociacioni

0
656

Akademik Rexhep Qosja ka mbrojtur idenë e tij të shkëmbimit të territoreve me Serbinë, duke thënë se në këtë mënyrë, Kosova do të shpëtonte nga Asociacioni i Komunave me shumicë serbe, që ai i quan shtete të vogla serbe nëpër Kosovë.

Sipas tij, idenë për shkëmbimin e Mitrovicës Veriore të banuar me serbë me Luginën e Preshevës dhe ka thënë se këtë ide e ka propozuar shumë herë, edhe para 30 vjetëve.

”Me dallim prej meje që do të doja ta shpëtoja Kosovën prej shtetit të quajtur Bashkësi e Komunave Serbe, domethënë prej shteteve të vogla serbe nëpër Kosovë, dhe t’i jepet Serbisë një pjesë e vogël e Kosovës Veriore e banuar me serbë dhe e sunduar edhe tani prej Serbisë, të cilëve do të mund t’u bashkoheshin edhe serbët e viseve të tjera të Kosovës, e t’i jepeshin Kosovës Presheva, Bujanoci e Medvegja me fshatrat përreth të banuara me shqiptarë, ju në realitet do t’ia dhuroni Serbisë të dyja: Mitrovicën Veriore, e cila që tani po bëhet qendër administrative, ekonomike, arsimore e kulturore serbe nën sundimin e Serbisë dhe Luginën e Preshevës, e cila do të shpopullohet prej shqiptarëve e do të popullohet prej serbëve”, ka shkruar ai në llogarinë e tij në Facebook.

Duke iu përgjigjur kritikëve të idesë së tij, Qosja ka thënë se ata mendojnë vetëm sot për sot.

“E këtillë, mjerisht, është e ardhmja e çështjes ende të pazgjidhur plotësisht shqiptaro-serbe, që na e dhurojnë mendjet që mendojnë vetëm sot për sot dhe që shohin vetëm deri te kthesa e parë: vetëm deri te muri i rrënuar buzë Ibrit dhe vetëm deri te treni i dekoruar i kthyer pas Beograd-Mitrovicë! Dhe të gatshëm – që të na pagëzoni kombi kosovar”, shkruan tutje ai.

“Nuk dua të mendoj që kjo politikë është e frymëzuar më parë prej propagandës së atyre që gëzojnë frytet e tregtisë së zezë të mafisë serbe dhe të mafisë shqiptare në Mitrovicën Veriore sesa të mendjepakësisë e të padijes”.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu