Urdhër arrest për katër deputetët e opozitës

0
534

Opozita

Gjykata Themelore e Prishtinës ka lëshuar urdhër arrest për 4 deputetët e opozitës edhe pse ata ishin prezent ne oren 9.00 h, kur duhej te fillonte Seanca.

Albin Kurti, Albulena Haxhiu, Faton Topalli dhe Donika Kadaj – Bujupi do të sillen me forcë, ka vendosur gjyqtari Beqir Kalludra.

Kjo është bërë për shkak se deputetët e opozitës janë larguar nga seanca 15 minuta pasi ishte dashur të niste ajo, raporton KTV.

Haxhiu, Topalli dhe Kadaj – Bujupi kanë pritur deri në orën 9 e 15 minuta që në sallën e gjykimit të vijë gjyqtari dhe kur kjo nuk ka ndodhur ata janë larguar.

Albin Kurti nuk ka qenë fare i pranishëm.

“Edhe herën e kaluar ne është dashur të presim 1 orë gjyqtarin dhe kjo është papërgjegjësi e tyre. 17 Shkurti është afër prandaj ne po largohemi sepse kemi shumë punë dhe nuk kemi kohë të presim”, ka thënë deputetja e Vetëvendosjes, Albulena Haxhiu. E pyetur për mungesën e kolegut të saj Albin Kurti, ajo ka thënë se nuk e di pse ai nuk ka ardhur në seancë. Të brengosur me këtë gjendje të sistemit të drejtësisë janë shprehur edhe deputetja e AAK-së dhe ai VV-së. Por, kur ata janë larguar gjyqtari ka ardhur në seancë dhe ka konstatuar mos praninë e të pandehurve për çka e ka lëshuar urdhër arrestin.

lexo edhe:  Davutoglu: Masat e sigurisë, e drejtë e Turqisë

Gjyqtari Kalludra megjithatë nuk ka dhënë sqarim pse seanca nuk ka nisur në orën 9. Kjo është seanca e dytë ndaj deputetëve të opozitës që akuzohen për rrezik të përgjithshëm dhe përdorim i armës, vepra që lidhen me gjuajtjen e gazit lotsjellës në Kuvend.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu