VV: Thaçin e japim, Luginën s’e japim

0
580

(E plotësuar) Lëvizja Vetëvendosje përfundoi protestën, të mbajtur në përkrahje të shqiptarëve të Luginës së Preshevës. Në fjalimin e tij, kryetari i kësaj lëvizje Albin Kurti tha se në bisedimet mes Thaçit e Daçiqit është falur Presheva, duke shtuar se kjo protestë është kundër koalicionit Thaçi-Daçiq.

***

Mijëra protestues i janë përgjigjur thirrjes të Lëvizjes Vetëvendosje për të marrë pjesë në protestën e solidarizimit me popullin shqiptar, i cili jeton në Luginën e Preshevës.

Protestuesit, pas një marshute nëpër rrugët e Prishtinës, në këto momente janë nisur drejt Teatrit Kombëtar në kryeqytet, ndërsa dëgjohen brohoritjet: “Me hajna s’ka bashkim”, “Lugina do drejtësi jo hipokrizi”. “Lugina është e jona”. “Thaçin e japim, Luginën se japim” “Qeveri shko në veri, mati forcat me Serbi” etj.

Protestuesit po mbajnë flamuj kombëtarë dhe të UÇK-së, si dhe parulla të ndryshme.

Lideri i Vetëvendosjes, Albin Kurti, ka thënë se me anë të protestës kërkojnë respektimin e të drejtave civile dhe kthimin e lapidarit me emrat e dëshmorëve të UÇPMB-së, në vendin e mëparshëm.

Kërkesat e Vetëvendosjes, në këtë protestë janë respektimi i të drejtave të shqiptarëve në Luginë, kthimi i lapidarit, ndërprerja e procesit të dialogut mes Kosovës dhe Serbisë, kthimi i plotë i reciprociteti me Serbinë, si dhe shtrirja e sovranitetit në tërë vendin. /Zëri/

Arrestohet dy aktivistë të VV-së

Njësia Speciale e Policisë së Kosovës, siç raporton Vetëvendosje, ka ndaluar autobusin me protestues që po vinte nga Prizreni dhe “kanë arrestuar Karanfil Haxhillarin dhe Agron Limanin”.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu