Wikileaks zbardh marrëveshjen sekrete Ali Ahmeti-Gruevski për shqiptarët (FOTO)

0
1468

Wikileaks ka publikuar sëfundmi një kabllogram të ambasadës së Shteteve të Bashkuara të Amerikës në Shkup, në të cilën zbardhet marrëveshja e Ali Ahmetit dhe Nikola Gruevskit në vitin 2007 me objekt miratimin e paketës sociale për veteranët e UÇK-së.

Në dokumentin që është klasifikuar si “konfidecial” të siguruar nga Albeu.com, vërehet nxitja që ish-ambasadorja e SHBA-ve Gillian Milovanoviç i bën Gruevskit që të miratojë paketën sociale për veteranët e UÇK-së.

Nga ana e tij, sipas kabllogramit të publikuar në Wikileaks, Gruevski shfaq gatishmërinë për t’i dhënë Ahmetit paketën në fjalë, por se i frikësohet një reagimi nga veteranët maqedonas të luftës së vitit 2001, raporton Albeu.com.

Nisur nga fakti në fjalë, Gruevski i kërkon ambasadores që marrëveshja me Ahmetin për vetenarët e UÇK-së të mos publikohet.

Në dokumentin tjetër të zbuluar nga Albeu.com, ambasadorja Milovanoviç i shkruan Departamentit të Shtetit se Ali Ahmeti është më parë i interesuar për marrëveshjen për paketën sociale për veteranët dhe me ligjin për gjuhën shqipe të vijohet pasi të jetë mbyllur kjo marrëveshje.

PËRGJIGJU

Ju lutemi shkruani komentin tuaj
Ju lutem vendosni emrin tuaj ketu